O pasado día 21 de novembro, o Consorcio Turístico da Ribeira Sacra organizou a I Marcha Sendeirista Ambulare, cun percorrido de 25 kilómetros deseñado con avituallamento ó longo da ruta, servizo de transporte ida e volta e agasallo dunha camiseta-recordo. Esta iniciativa contou coa colaboración de Turini e Intersport-Bouso.
Asimesmo, o Consorcio levou a Ribeira Sacra á feira INTUR, a cita máis importante da promoción do turismo de interior en España. Entre o 25 e o 28 de novembro, os responsables do Consorcio participaron en Valladolid neste encontro, onde poideron amosar ós asistentes as potencialidades desta opción de turismo de interior a nivel nacional.
