A Área de Educación Social do Concello de Quiroga organiza unha nova edición do concurso de postais de Nadal. Nel poden participar todos os rapaces en idade escolar cun máximo de tres postais, coa temática do Nadal. A medida das postais será de medio folio de tamaño A4. Os datos do autor, dirección e teléfono deberán presentarse no reverso das postais. Haberá tres categorías, de 3 a 6 anos, de 7 a 9 anos, e de 10 a 12 anos, e tres premios para cada unha. Os traballos pódense enviar por correo ou entregalos na Casa de Cultura de Quiroga ou na Oficina de Información Xuvenil do Concello ata o 13 de decembro.
