Unha exposición leva a música de Brollón á capital de Rumanía

O músico de Pobra de Brollón, Alejandro González, xunto co fotógrafo monfortino Manuel Valcárcel, ven de inaugurar unha exposición audiovisual no Museo Nacional de Historia de Bucarest, baixo o título Memoria de Peregrinación. Trátase dunha mostra composta por un vídeo e 53 fotografías tomadas nunha viaxe que transcorreu por Bulgaria, Hungría, Austria, República Checa, Eslovenia, Italia e o norte de España, rematando en Santiago de Compostela, e que poderá visitarse ata o 15 de xaneiro.

Trátase dunha peregrinación moi persoal acompañada de música, na que estes dous artistas galegos se mostran atentos á tradición cultural e á sensibilidade relixiosa que impregnan os distintos lugares e camiños.

O obxectivo desta exposición é amosar a pluralidade e a riqueza dunha Europa que se esta a comunicar a través dos itinerarios que levan a Santiago de Compostela. Pero a intención última é a de afondar en que o Camiño de Santiago, se converte no primeiro itinerario cultural de Europa.

A mostra audiovisual poderá visitarse de mércores a domingo de nove da mañá a cinco da tarde. Posteriormente, trasladarase a Sofía.

Deixa unha resposta

Your email address will not be published.

Enquisas

ESTÁ CONFORME CO PROXECTO PARA CONSTRUÍR UNHA NOVA PONTE DE FERRO NO MALECÓN EN SUBSTITUCIÓN DA PASARELA PEONIL ACTUAL?

Cargando ... Cargando ...

Resumen mensual de noticias

Nova Anterior

Certame de poesía e baile de fin de ano para os veciños da Pobra de Brollón

Seguinte Nova

Os rapaces, protagonistas do Nadal en Sober

Últimas noticias sobre CULTURA

Ir aInicio

Don't Miss