O proxecto para a nova Casa da Cultura admite propostas cidadás

O colectivo de arquitectura Juvis manterá aberto deica finais de xaneiro un foro no que os veciños poderán opinar sobre a proposta presentada recentemente para a actualización e mellora da Casa da Cultura. A través do blog (http://casaculturasarria. blogspot.com/) creado polos cinco estudantes que elaboraron este proxecto, a cidadanía poderá aportar a súa opinión e novas ideas e, de feito, xa o están a facer coas numerosas visitas e posts introducidos nesta páxina. Na memoria elaborada polos profesionais relatanse entre outras as necesidades dun edificio un tanto obsoleto dende o punto de vista funcional. Neste blog tamén se pode coñecer a recreación do que será o novo edificio segundo o prantexa o colectivo. A reorganización dos espazos exteriores e interiores pasa por unha mudanza moi importante con respecto ao concepto actual. Entre as máis evidentes necesidades está a de ampliar o salón de actos e o espazo escénico co que conta. En canto a outras zonas como a sala de exposicións, a idea é a de conferirlle tamén unha maior funcionalidade que permita usos a maiores do propiamente expositivo como pode ser a realización de reunións ou presentacións. Doutro lado, a biblioteca, precisaría, no criterio do grupo de arquitectos, unha maior superficie tanto para a colocación de fondos como para os postos de lectura. En resumidas contas, segundo se explica na memoria, coa mesma superficie construída, pódese duplicar o espazo do salón de actos, da biblioteca, e da sala expositiva e isto conséguese reducinto os espazos de circulación, residuais e secundarios. A renovación do exterior pretende abrir este edificio á vila e integralo coas rúas. Entre outros detalles podemos ver un salón de actos coas butacas configuradas en dúas alturas ou unha nova praza e entrada para o inmoble dende a rúa Cervantes.

Deixa unha resposta

Your email address will not be published.

Enquisas

ESTÁ CONFORME CO PROXECTO PARA CONSTRUÍR UNHA NOVA PONTE DE FERRO NO MALECÓN EN SUBSTITUCIÓN DA PASARELA PEONIL ACTUAL?

Cargando ... Cargando ...

Resumen mensual de noticias

Nova Anterior

O legado do Xacobeo 2010 en Sarria

Seguinte Nova

O Lugo Emprega na zona sur

Últimas noticias sobre CULTURA

Ir aInicio

Don't Miss