O modelo de solicitude para a concesión das subvencións do Plan de Comunidades Veciñais de 2011 foi aprobado recentemente na xunta de goberno da Deputación provincial. Desta maneira faise posible a cooperaciñón cos concellos nas pequenas obras relacionadas co ámbito veciñal. Deste xeito, ata o 15 de febreiro, manterase aberto o prazo para que todas as entidades asociativas soliciten as súas obras. Dende o goberno provincial indicaron que se intenta adiantar en tempos este ano todas as iniciativas destinadas aos concellos. É o caso deste plan xa que “ se trata dun bo modelo para axudar ós Concellos nestes momentos nos que teñen tantos problemas de liquidez”, indicaron.
Ao mesmo tempo fixeron fincapé en que o Orzamento de 2011 é precisamente “o da máxima cooperación cos municipios, xa que non recortamos en nin un só euro as partidas destinadas a este fin”.
MANTÉÑENSE OS 2,3 MILLÓNS
O organismo provincial mantén en 2011 o presuposto do Plan, 2,3 millóns de euros, o que supón algo máis do 65% do investimento total das obras. As axudas que concede a Deputación para calquera das actuacións non supera os 12.000 euros, é dicir, o 75% do importe total da obra. O 25% restante é aportado, como en anteriores ocasións, polos colectivos veciñais. O goberno provincial vincula o Plan de Comunidades veciais, a outras iniciativas que o organismo provincial puxo en marcha como o Plan de Pequenas Infraestruturas para Concellos de menos de 5.000 habitantes do que en 2010 se beneficiaron 41 nunicipios.
CASE 300 PROXECTOS VECIÑAIS EN 2010
En 2010 concedéronse 298 subvencións. O 65% están tramitadas ou en tramitación. Polo que respecta a 2009, o Plan estivo dotado con 100.000 euros menos, e subvencionáronse 295. Neste caso, están tramitadas o 94% das mesmas. Asimesmo, as de 2008, un total de 291, están rematadas o 100%.
PEQUENAS INFRAESTRUCTURAS
O Plan de Comunidades Veciñais subvenciona pequenas obras que os Concellos non poderían acometer sen a colaboración da Deputación, como por exemplo pequenos abastecementos de auga, saneamentos e pavimentacións, rede de sumidoiros, alumeado público ou acondicionamento de camiños rurais. Este tipo de actuacións, moi demandadas nos núcleos rurais, complétanse con outras como a habilitación de locais sociais, a rehabilitación de espazos de encontro.
ACTUACIÓNS EN SARRIA
No plan do ano que deixamos atrás serán atendidas varias demandas veciñais que en municipios como o de Sarria, pasan pola rehabilitación da antiga escola da parroquia de San Martiño de 7.600 euros. O arranxo do muro do souto da festa, na mesma parroquia tén tamén un investimento do plan de comunidades veciñais que contribúe a financiar o total do seu custe, uns 8.500 euros. Por outra parte, e no mesmo municipio, falando do plan de 2010, concedeuse a axuda para a reparación da fonte do Vilar, na que se gastan un total de 11.000 euros. A restauración da igrexa de San Pedro de Maside, cun investimento de 33.000 euros, conta tamén cunha axuda do departamento provincial. As restantes actuacións veciñais en Sarria concedidas para a anualidade 2010 están na instalación da protección para as fiestras no colexio de Corbelle e na escola pública de Fonteabuín.
Cargando ...
