Mantemento das vías municipais: Novo tractor para Ribas de Sil con cargo ao canon

Vehículo entregado ao Concello de Ribas de Sil. GPDL

A Deputación de Lugo ven de entregar ao Concello de Ribas de Sil un vehículo para traballos de mantemento e conservación das vías municipais por valor de 70.693 euros. Trátase do primeiro investimento con cargo ao canon que o organismo provincial realiza este ano en Ribas de Sil. Durante 2011, a Deputación achegará un total de 460.000 euros a este concello saldando deste xeito a débeda que o organismo provincial mantivo durante décadas con este municipio con produción hidroeléctrica. Trátase dun tractor destinado a traballar en obras, facer transportes, desbroces e, fundamentalmente, limpeza e mantemento de pistas. Infraestruturas que axudarán a mellorar os servizos prestados polo Concello, i é que ante a situación de crise actual, dende o consistorio, e tal e como asegurou o seu alcalde, Miguel Sotuela, “vamos a cumprir os servizos co mínimo coste sempre, pero nunca deixaremos de cumprilos por falta de medios. Agora mesmo estamos nunha situación na que non é o momento de escatimar, senón de seguir aportando por todos os medios, iso sí, tendo en conta sempre as limitacións coas que pode atoparse un concello pequeno como o noso, pero medidas de recorte drásticas non vamos a poñer ningunha en marcha”. O alcalde de Ribas de Sil quixo destacar que dende o equipo de goberno sempre procuraron economizar a súa xestión ao máximo posible sen reducir ningún servizo.

Deixa unha resposta

Your email address will not be published.

Nova Anterior

Ribas de Sil contará cunha residencia da terceira idade

Seguinte Nova

Brollón rinde homenaxe ás víctimas do franquismo

Últimas noticias sobre INFRAESTRUCTURAS

     
A %d blogueros les gusta esto: