Medidas de aforro nos concellos

Chantada aplicou solucións no ámbito enerxético en instalacións e no rural

A crise obriga ás administracións a implantar medidas de aforro. E se algunha administración se manifesta endeble ante a coxuntura económica de recortes, esa é a local, a máis resentida por unhas dificultades de finanzamento que en moitos casos veñen de longo. No Concello de Chantada decidiron tomar cartas no asunto con algo similar a un plan de austeridade feito a medida. No ámbito enerxético, foi substituída unha das caldeiras de gasoil da piscina climatizada por outra de biomasa. Tamén nas piscinas, segundo relata o tenente de alcalde Ildefonso Piñeiro, se instalaron placas solares para auga quente sanitaria, que implican un aforro dun 25% de combustible e de emisións de CO2. Estes investimentos realizáronse con cargo ao canon e á Consellaría de Industria. O custe total ronda os 150.000 euros. Actualmente estase a cambiar a instalación das tubarías do pavillón municipal que provocan perdas pola súa obsolescencia. No seu momento tamén fora substituída a caldeira por placas solares, producindo un aforro do 25 % no combustible. O investimento, de 125.000 euros, foi a cargo do Plan E. Pola súa parte, nas parroquias de Laxe e Requeixo cambiáronse as lámpadas de luz por outras de baixo consumo, ao igual que en varias rúas como a do Comercio, Xoan XXIII, Avenida de Portugal ou Avenida de Monforte, cun investimento duns 100.000 euros.

Deixa unha resposta

Your email address will not be published.

Nova Anterior

O PP preguntará a José Blanco pola A-72 e a A-56

Seguinte Nova

O presidente do Lemos, Antonio Feijoo, asegura que o clube necesita máis xogadores para poder competir

Últimas noticias sobre ECONOMÍA

     
A %d blogueros les gusta esto: