Antonio Feijoo, presidente do Clube Lemos, fai balance da temporada e tamén do seu mandato como presidente. Asegura que pese ás dificultades o Lemos chegará a onde faga falla, e que o obxectivo pasa este ano por manter a permanencia.
Como vai a temporada para o Lemos? Está sendo unha temporada moi difícil, tanto a nivel económico como a nivel deportivo, que ademais eu creo que estes dous aspectos sempre van relacionados. É verdade que perdemos unha axuda do Concello, pero por culpa nosa, por uns minutos ou un día, chamémoslle como queiramos. Ainda así, sigo dicindo que se o Concello realmente tivera vontade de axudar, o Lemos podería ter solucionado moitas cousas, como por exemplo os temas publicitarios. De todos os xeitos nós agora témonos que axustar a un orzamento se cabe máis apretado debido a este problema. E tamén teño que dicir que se está traballando e que o equipo está totalmente o día. Igualmente hai que mencionar que apareceron novas débedas, totalmente xustificadas, con denuncias e que están recoñecidas pola asamblea, así que toca ir solventando todo isto de cara a elaborar un orzamento máis decente e máis acorde coa categoría dun clube coma o noso. Fixemos tamén unha plantilla na que temos plena confianza, pero o que sí que sabemos dende o primeiro día e que é unha plantilla corta e xustiña, na que faltan rapaces.
Como lles afecta toda esta situación aos xogadores? A pesar de todo isto os xogadores teñen que estar tranquilos porque con eles non vai haber ningún problema. Saben perfectamente que estamos o día, que o clube neste senso cumpre con eles, teñen a nosa garantía nos acordos aos que chegamos con eles. Polo tanto este tema a eles non lles afecta en absoluto, aféctalles máis o tema deportivo, porque eles son os primeiros que queren saír dahí. E máis se temos en conta a gran base de rapaces de Monforte e da zona que hai. Con todo, saben que teñen a nosa plena confianza e que tamén contamos con algunhas incorporacións que agardamos que pronto podan comezar a xogar, porque neste momento para nós calquera baixa lastraríanos moito, pero non en calidade senón en cantidade.
Que precisaría o equio na actualidade? Partimos de que sabemos que temos un déficit en canto aos xogadores. Por poñer un exemplo, estamos xogando cos rapaces xustos na parte defensiva. E tampouco temos un lateral zurdo específico, así que tamén nós temos que centrar en atopar aos mellores xogadores. Sabemos que é unha necesidade, pero hai que ter en conta que o clube o que non pode facer é ofrecer máis do que nestes momentos pode pagar.
Que balance fai do seu mandato como presidente? Bueno, eu creo que a nivel económico o balance é bastante bo, máis que nada porque reducimos bastante a débeda. Pola súa parte, a nivel social tamén fago un balance positivo grazas a medidas que adoptamos dende fai tempo e que nos permitiron aumentar o número de socios do clube. Despois lóxicamente, en relación ao aspecto deportivo pois non. A verdade é que a situación do Lemos sempre en zona de descenso e sempre loitando pola salvación non é a mellor nin a desexable para un clube coma este. Por este motivo xa digo que a nivel deportivo póñome unha nota moi mala. Sen embargo, e a pesar de todo isto, sempre dixen que o Lemos chegará donde queiran as institucións e tamén donde queira o pobo.
Cales son os obxectivos para este ano? Os obxectivos de cara a esta temporada non poden ser outros máis que intentar acadar a salvación. Sei que é un obxectivo moi menor, pequeno, pero dada a situación actual o máis importante é non descender.
Cargando ...
