Roberto Lolo estrea en Sarria o seu último corto

Dende a Casa da Cultura de Sarria confirmaron que o director veciño, Roberto Lolo, ten solicitadas ditas instalacións municipais para o segundo fin de semana do vindeiro mes febreiro, data na que está previsto presente o seu último corto, “Cluv2 Auga Vendita”. A curtametraxe, que se rodou íntegramente nos arredores de Sarria, fundamentalmente na Unión e no establecemento hostaleiro Mar de Plata, supón unha continuación da saga “Cluv con V”, ten unha duración duns 18 minutos e enmárcase dentro do xénero de acción; concretamente acción vampírica con inspiración en diversos cómics. Pola súa parte, as protagonistas desta cinta son Judit, coñecida pola súa participación nun famoso programa de convivencia de televisión, e Natalia Gaminde, pero aparecen tamén varios veciños do concello como figurantes. De feito, algúns deles repiten experiencia tras participar xa no primeiro poxecto do director sarriano.