A fundación Meniños levará a cabo un proxecto para previr a violencia entre a xuventude

Olga Alvite, Alicia Cadarso e Mª Xosé Vega, durante a presentación do programa. EC

A vicepresidenta terceira da Deputación de Lugo, María Xosé Vega Buján, e a concelleira de Educación, Alicia Cadarso, acompañadas da delegada provincial da Fundación Meniños en Lugo, Olga Alvite, e numerosos responsables políticos e técnicos dos concellos do sur de Lugo, así como docentes de varios centros de ensino, presentaron en Monforte o programa “Atención familiar e prevención da violencia na adolescencia”, promovido pola Deputación con preto de 190.000 euros, e co apoio da Fundacion Meniños. Trátase dun programa a desenvolver durante todo este ano nos municipios de Sarria, Chantada e Monforte entre outros, dirixido a nenos, nenas e adolescentes con problemas de absentismo escolar e de conducta, en situación de risco ou desprotección, e a grupos familiares desestruturados que precisen intervención psicosocial intensiva.

Pola súa parte, nestes primeiros momentos os técnicos xa están a atender a un total de 56 menores e 30 familias, aínda que se prevé que o número de intervencións ascenda a medida que avance o programa e se detecten máis casos. En canto ao equipo técnico da Fundación Meniños, en cada zona está formado por alomenos un psicólogo, un traballador social e un educador familiar, que sempre traballan en colaboración cos servizos sociais de cada Concello e tamén cos centros de ensino, xa que soen ser estes dous colectivos os primeiros en detectar os casos de conflicto.

Deixa unha resposta

Your email address will not be published.

Nova Anterior

Guímaro Motor viaxou ao Cebreiro

Seguinte Nova

Conumar, un novo servizo para os consumidores de Lemos e Quiroga

Últimas noticias sobre ASOCIACIONISMO

A %d blogueros les gusta esto: