A instalación de enerxía solar no polideportivo de Brollón dará servizo ao colexio ubicado na zona

O pavillón absorverá a actividade deportiva do colexio ubicado na mesma zona. EC

O arranxo integral do pavillón polideportivo de A Pobra do Brollón é unha obra capital para o municipio. Así o sostén o alcalde, José Luis Maceda, que define ao pavillón, cos traballos a piques de ser rematados, coma “unha infraestrutura multiusos que vai servir para máis actividades cás deportivas”.

Nestas obras investíronse uns 480.000 euros aportados integramente pola Vicepresidencia primeira da Deputación, e destináronse a unha rehabilitación completa. Maceda amósase moi orgulloso desta actuación, que vén a paliar a ausencia total dun lugar cuberto para a práctica do deporte porque o seu estado era ruinoso, e comenta que isto demostra que “ás veces con poucos cartos pódense facer boas obras”.

Pavillón aberto a todos

O pavillón, servirá para o uso escolar, o uso social e estará a disposición das entidades deportivas do municipio, ao tempo que albergará actividades como as que xa se están a desenvolver, entre elas a ximnasia para os maiores. Pero a súa característica distintiva é a apertura á totalidade da comarca. Segundo anunciou o goberno local, o pavillón estará dispoñible para as entidades deportivas da comarca que soliciten o seu uso, e estudarase o establecemento dunhas tasas por este servizo. O acondicionamento do pavillón responde a unha vella demanda e a unha necesidadade moi real, tendo en conta que A Pobra é un dos poucos concellos que carecían dun centro deste tipo en condicións de uso.

Por outra parte, esta actuación ten unha doble finalidade vinculada ao aforro enerxético, xa que a instalación paralela de placas fotovoltaicas na cuberta, permitirá subministrar enerxía, grazas ao finanzamento de Agader, ás edificións que se ubican na zona. É o caso do colexio e o centro de día, así como parte da propia rúa, que aproveirarán xunto co propio pavillón.

Deixa unha resposta

Your email address will not be published.

Nova Anterior

David Álvarez Goyanes, candidato do PP en Brollón:»Tentarei retomar o proxecto do parque empresarial que deixara asinado coa Deputación”

Seguinte Nova

Guímaro Motor viaxou ao Cebreiro

Últimas noticias sobre ECONOMÍA

     
A %d blogueros les gusta esto: