Animación sociocultural en todo o concello de Bóveda

O Concello de Bóveda atópase inmerso na selección dun novo técnico de animación sociocultural para o Concello. Segundo explicou o alcalde, “tíñamos unha animadora sociocultural que estaba levando todas as actividades da Casa da Cultura, esta persoa pediu unha excedencia e agora estamos co proceso de selección”. José Manuel Arias tamén sinalou que a cultura é un dos pratos fortes no concello de Bóveda, “porque temos un programa moi completo que formamos a principios de ano, no que contamos tamén cunha oficina de información xuvenil, aspecto tamén prioritario para nós”, engadiu. Asimesmo, hai tamén un programa co que se trata de chegar a todas as idades, dende 0 anos en diante, e accións puntuais, como no caso das parroquias nas que hai locais sociais, o Concello despraza aos monitores para impartir cursos do que os veciños queiran ou soliciten.