Nace en Monforte unha asociación de familiares de persoas con Trastorno por Déficit de Atención con ou sen Hiperactividade (TDAH)

Mercedes Fernández é mestra de profesión e nai dun neno diagnosticado con Déficit de Atención; de ahí, tal e como ela mesma explica, naceu o seu interese por crear esta asociación.

Mercedes Fernández, impulsora da nova asociación que busca asesorar a familiares de persoas con deficit de atención. EC

Como surxiu a iniciativa?

Fixemos un curso de hiperactividade adicado a mestres. Entón a min ocorréuseme involucrar tamén aos pais, é dicir, que parte do material que se lle ía entregar aos mestres para tratar aos nenos no ámbito escolar, tamén se lle entregara aos pais para o ámbito familiar; unha idea que tivo moi boa resposta. Vendo que se interesaron máis de vinte familias pedinlles os seus datos para organizar unha reunión. I é que se trata dun problema máis común do que pensamos. Cando che diagnostican un neno hiperactivo dis, moi ben, pero agora que fago?

Ante esta situación, como se debe tratar ao neno?

Non sabes moi ben que facer, porque normalmente hai problemas de índole familiar porque son nenos que conductualmente necesitan un proceso de reeducación. Será así como adquirirán unha serie de hábitos e de rutinas. Pero tamén hai outros casos que son máis sinxelos de tratar. E a maiores están os problemas de aprendizaxe que aparecen no ámbito académico, e ás veces tamén problemas nas súas relacións persoais. Por iso a importancia de saber que facer e de crear esta asociación.

Dado o interese das familias, que foi o que trataron na reunión?

Información sobre técnicas para tratar os distintos casos, pero tamén outros aspectos como por exemplo coñecer como está a situación lexislativa con respecto á educación e á sanidade noutras comunidades, que protocolos existen, e demáis. Despois barallamos a posibilidade de crear esta asociación e a idea se ve que gustou porque vamos para diante. Finalmente somos tres persoas as que agora mesmo nos estamos a encargar do papeleo, así que eu creo que nuns días xa estará en funcionamento.

Unha vez constituida, de que se encargarán exactamente?

En primeiro lugar intentaremos pedir algunha subvención, se hai, para asociacións sen ánimo de lucro. Xa despois, eu pola miña parte coñezo a algúns orientadores que se prestaron a dar charlas e materiais sobre este tema de forma desinterasada, polo que coa súa colaboración poderíamos comezar a organizar algunha actividade. E outra das funcións que terá a asociación será a de dar todo tipo de información relativa a este trastorno, que poida ser útil poñéndoa en común. Hai que ter en conta que son máis familias das que nos pensamos as que contan con algún caso diagnosticado.

Deixa unha resposta

Your email address will not be published.

Nova Anterior

Pequenos poetas con futuro na biblioteca de Sarria

Seguinte Nova

A e-administración arranca en Chantada e concellos do sur de Lugo

Últimas noticias sobre ASOCIACIONISMO

A %d blogueros les gusta esto: