Comparsas e disfraces para rematar o entroido monfortino

•O Concello de Monforte continúa a celebrar coma cada ano o seu tradicional entroido. A primeira cita tivo lugar o pasado 24 de febreiro co Xoves de Compadres, mentras que este xoves 3 de marzo celebrarase o Xoves de Comadres e o vindeiro día 8 de marzo terá lugar o concorrido desfile de comparsas e disfraces do Martes de entroido. O prazo para inscribirse neste último desfile de comparsas e disfraces rematará o vindeiro venres 4 de marzo ás dúas do mediodía. Ao igual que todos os anos, a delegación de Cultura convoca todas estas actividades de entroido, mantendo así unha importante tradición na cidade do Cabe, á que asiste xente da vila pero tamén de puntos próximos a Monforte. Organizadas pola delegación de Cultura do Concello monfortino, as actividades do entroido 2011 están subvencionadas pola Vicepresidencia Primeira da Deputación de Lugo.