Julio Álvarez, candidato do PP nas municipais de Quiroga

Julio Álvarez, actual alcalde de Quiroga e candidato do PP ás vindeiras eleccións. EC

“O reto máis importante é intentar manter os servizos actuais”

• Julio Álvarez Núñez ocupa a alcaldía de Quiroga dende o ano 1987. Foi presidente fundador da Fegamp e dende o 2000 preside o comité local do Partido Popular. Agora, di afrontar as vindeiras eleccións municipais coas mesmas gañas que a primeira vez.

Como afronta a súa candidatura?

Pois como fai vintecatro anos, coa mesma ilusión e coas mesmas gañas.

E con que perspectivas?

Que vou a dicir, bueno, eu o que intentarei será revalidar como mínimo a maioría que temos nestes momentos.

De gañar as eleccións, cales serán os principais retos?

Eu creo que tal e como está o panorama e a coxuntura en xeral, o reto é lograr manter os servizos que temos nestes momentos, iso xa sería un éxito, porque tal e como está a economía e o goberno central, que un día che dá e ao seguinte che quita, o importante é manter a calidade de vida actual. Con todo isto quero dicir que o obxectivo máis prudente sería o poder manter o que hai.

En que proxectos se vai a centrar na seguinte lexislatura?

Bueno, en principio nada destacable porque o que non imos facer con isto é unha estratexia electoral, polo que neste senso non imos a facer nada público de momento. Nin grandes obras nin nada semellante. Pero bueno, eu creo que o maior compromiso é, como xa dixen, intentar manter o que hai e iso elevalo a calidade de vida.

Que balance fai do seu mandato e que logros destacaría?

O principal logro é que cumprimos o 99% do programa electoral do que se prometeu no seu momento fai catro anos. E en canto ás principais actuacións, destacar as pistas polideportivas, un novo museo, unha nova traída de auga, obras para as distintas parroquias por valor de varios millóns de euros, vamos a abrir unha rúa no centro da vila, a colocación de illas ecolóxicas, e como estas, moitas outras cousas. Tamén estrenamos un novo polideportivo, e bueno, un pouco de todo. Sería moi difícil enumerar aquí todos os logros de máis de 20 anos.

Cales son os principais cambios que experimentou Quiroga durante todo este tempo?

O principal cambio é a metamorfose que sufriu o mu- nicipio. Comparar a Quiroga de agora coa de fai vintecatro anos, pois case non se coñece. Vou a dar un dato estatístico importantísimo para que se vexa o crecemento experimentado pola vila; cando eu asumín a alcaldía no abastecemento de augas había 470 abonados aproximadamente, mentras que nestes intres hai 2.700. Isto dá unha idea da evolución que sufriu o casco urbán. Pero aparte disto, Quiroga ten hoxe en día todos os servizos que pode ter calquera cidade, tales como gardería, institutos, ludoteca, auditorio, etc. É máis, cando eu cheguei á alcaldía había dous barrendeiros, un fontaneiro, un policía municipal e tres funcionarios; sen embargo hoxe temos unha plantilla de máis de 100 traballadores.

Deixa unha resposta

Your email address will not be published.

Nova Anterior

Obradoiro de cultura urbana en Monforte

Seguinte Nova

O Centro de Información da Muller de Quiroga organiza novas actividades con motivo do día da Muller Traballadora

Últimas noticias sobre POLÍTICA LOCAL

A %d blogueros les gusta esto: