• O campo de fútbol do Sangoñedo, en Chantada, acaba de ser renovado. Tal e como indicou o concelleiro de Deportes, Ildefonso Piñeiro, trátase dun campo que tivo problemas dende a súa creación. Isto é debido a que na superficie empregouse un producto, que aínda que no resto de Europa funciona bastante ben, en zonas como Galicia “non é nada efectivo, polo que co paso do tempo o caucho estropéase ata que se fai necesaria a súa sustitución”. Deste xeito, “o que se fixo foi retirar todo o caucho que había e botar varias toneladas doutro novo”, explicou Piñeiro. Trátase dun convenio firmado coa Deputación de Lugo, cun custe aproximado de 35.000 euros. Con anterioridade, xa se instalaron asentos novos nas gradas do estadio. Pola súa parte, as tarefas de reparación están totalmente rematadas, polo que os usuarios do campo xa acuden a el con normalidade.
Últimas noticias sobre DEPORTES
A Sociedade Deportiva Río Cabe foi escollida pola Real Federación Española de Golf como sede do
Despois da vitoria lograda a domicilio a pasada xornada ante o Pontevedra B, a SD Sarriana
O domingo ás 18 horas, A Pinguela acollerá un partido clave para o futuro dos lemistas,
O pasado mes de marzo deu comezo oficialmente a nova tempada de pesca en augas continentais