Axudas para a recuperación e adecuación de camiños en Pantón

•O Concello de Pantón é outro dos municipios beneficiados polas axudas que xestiona a Consellería de Medio Rural para concellos integrados na Rede Natura 2000. Neste senso, para a recuperación e adecuación de camiños percibirá este ano 2011 unha axuda de 10.051,14 euros, cifra similar á percibida no 2010. Con isto, a suma total de axudas concedidas por Rede Natura ao Concello de Pantón supera os 20.000 euros en dous anos. O obxectivo destas axudas é o de contribuir a mellorar a paisaxe, o mantemento das condicións ambientais e tamén a recuperación dalgunhas especies. No caso de Pantón, poderán acondicionarse aqueles camiños que estén máis deteriorados, como son os de acceso ás fincas, e tamén colocar a sinalización necesaria. É preciso destacar que na provincia de Lugo os concellos beneficiados son 27 en total.