A Volta Ciclista a España, en Sarria o 2 de setembro

Un momento da presentación da etapa da Volta Ciclista a España que pasará por Sarria. OMIX S.

A semana pasada presentouse no Concello de Sarria a etapa número 13 da Volta Ciclista a España, que terá lugar o vindeiro día 2 de setembro, e que discorrerá por este municipio. Ao acto asistiron o director xeral de La Vuelta Ciclista a España, Javier Guillén; o alcalde do Concello, Claudio Garrido; os concelleiros de Deportes, Urbanismo e Turismo, o xefe da Policía local, o cronista oficial do Concello e varios representantes da hostalería sarriana.

A etapa en sí contará cun percorrido de 150 kilómetros que rematará en Ponferrada, e que pasará pola zona dos Ancares. Importantes serán os tres portos de terceira categoría cos que contará, dous deles nos trinta primeiros kilómetros que servirán de adestramento para afrontar o alto de Folgueiras de Aigas, de 945 metros, e o porto dos Ancares, de 1.661 metros.

Pola súa parte, a carreira celebrarase dende o 20 de agosto ao 11 de setembro. Sairá de Benidorm e rematará en Madrid, contando cun percorrido total de preto de 3.300 kilómetros repartidos en 21 etapas. Asimesmo, terá 46 portos, nove deles de primeira categoría (como o de Folgueiras e Ancares), ademáis de 40 kilómetros de contrarreloxio individual e outros once por equipos.

É preciso destacar que Sarria será unha das dez saídas inéditas da Volta nesta edición. Por este motivo, tal e como xa recoñeceu o concelleiro de Deportes, Amadeo López, no seu momento, “trátase dun evento moi importante e beneficioso para o noso municipio, xa que implica atraer máis xente á vila durante uns días, con todo o que iso conelva”, explicou. Deste xeito, algúns dos sectores máis beneficiados serán a hostalería e o turismo, ao que hai que sumarlle a promoción do Camiño de Santiago.

Finalmente, dende o Concello tamén está previsto que todos os centros escolares participen o día da celebración da etapa, colaborando por exemplo co control de firmas.

A etapa de Sarria será a única que pase pola provincia de Lugo. Mentres tanto, no resto da comunidade a Volta Ciclista poderá disfrutarse tamén na provincia de Pontevedra (con 160 kilómetros de percorrido), e na de Ourense (con 171 kilómetros).

Deixa unha resposta

Your email address will not be published.

Nova Anterior

Sarria aproba os orzamentos 2011

Seguinte Nova

Medidas para frear o ataque do xabaril en Chantada

Últimas noticias sobre DEPORTES

     
A %d blogueros les gusta esto: