O vicepresidente primeiro da Deputación de Lugo, o nacionalista Antón Bao, desprazouse ata Monforte de Lemos para visitar, acompañado do alcalde de Monforte, Severino Rodríguez, e do concelleiro de deportes da localidade, Xosé Lois Losada, a instalación do equipamento complementario no campo de fútbol Luís Bodegas, que sufragou con 30.000 euros a Área de Deportes do organismo provincial. O equipamento instalado inclúe, entre outras cousas, marcadores para os dous campos de fútbol, sistema de megafonía, acondicionamento e equipamento dunha sala para ximnasio e unha enfermería con desfibrilador, equipo de osíxeno e padiola.
