A UGT-Lemos ven de rematar a rolda de reunións cos candidatos á alcaldía de Monforte, tras reunirse fai unhas semanas co cabeza de lista do PSOE, José Tomé Roca. Trala xuntanza, dende o sindicato non dubidaron en sinalar a “boa predisposición” por parte do candidato, mentras que o propio Tomé comprometeuse a crear unha concellería de Emprego e Industria no caso de chegar á alcaldía. A iniciativa xurdiu despois de analizar a situación de desemprego que está a vivir a cidade do Cabe e tamén a comarca en xeral. Pola súa parte, entre a listaxe final de propostas aos tres candidatos destacan algunhas como a apertura dun xulgado do social, e sobre todo, iniciativas contra o desemprego.
Cargando ...
