Unha representación de importadores alemáns acompañados polo xornalista especializado en viños españois, Jürgen Mathäß, visitaron fai uns días as instalacións de Bodegas Regina Viarum, da Denominación de Orixe Ribeira Sacra, dentro dunha actividade organizada polo Centro de Promoción de Negocios do Igape en Alemaña. Jürgen Mathäß xa visitara dita adega en xuño pasado, cando destacou a calidade dos viños, e nesta viaxe a delegación alemana puido coñecer en directo os viños e a paisaxe, e interesouse pola etiqueta dos caldos. Con esta visita, a adega Regina Viarum agarda poder comezar a abrir mercado en dito país.
