Máis de 700.000 euros en melloras nas parroquias de Pantón

En Pantón, os responsables municipais agardan poñer en marcha máis obras en pouco tempo. EC

O alcalde de Pantón, José Luis Álvarez, informou de que son varias as obras que se estiveron a acometer nas diferentes parroquias do municipio. Así por exemplo, comezouse a segunda fase das Bernardas, á entrada de Ferreira; e tamén a de Tuiriz.

No caso de Tuiriz, “no pleno que tivemos esta semana acordouse o proxecto para o colector, e tamén están rematadas as obras en algúns puntos como a traída de auga para todas as parroquias de Vilar de Ortelle”, explicou Álvarez. Pola súa parte, entre as vindeiras obras previstas están “o saneamento en Tuiriz, e tamén está aprobada a segunda fase do saneamento en Eiré, e a maiores outra serie de obras das que máis adiante daremos conta porque xa son de competencia provincial”, engadiu o alcalde. En canto ao orzamento previsto, José Luis Álvarez explicou que para as obras de Tuiriz destinouse un total de 450.000 euros para a primeira fase, mentres que na segunda fase de Eiré investiuse un total de 300.000 euros.

Polígono industrial e vivendas sociais

O rexedor de Pantón tamén indicou que na actualidade o Concello atópase á espera de que comecen as obras no polígono industrial. “Nós temos todo preparado e só estamos pendentes da valoración final, polo que agardamos que comecen canto antes”. Asimesmo, Álvarez sinalou que xa foron enviadas as cesións dos terreos para a segunda fase das vivendas sociais. “Hai que dicir que xa están adxudicando as vivendas da primeira fase, polo que xa mandamos a dispoñibilidade da segunda fase, que en total serán 16 vivendas”.

A segunda fase chega logo de que fai uns anos a Consellería de Vivenda e Solo aprobara unha inversión de preto de 600.000 euros para comezar a rehabilitar os antigos edificios. Deste xeito, para a primeira fase reformáronse varios inmobles da rúa Escairón, que constaban de baixo e dúas prantas. No baixo construíronse prazas de garaxe e trasteiros, mentras que nas prantas superiores decidiuse habilitar oito vivendas; todas elas de algo máis de 80 metros cadrados e con tres dormitorios. Agora, quedan 16 vivendas para esta segunda etapa.

Deixa unha resposta

Your email address will not be published.

Nova Anterior

Ribas de Sil terá un parque de bicicletas

Seguinte Nova

Patrimonio relixioso en Pantón:O museo contará cunha parte de hospedaxe

Últimas noticias sobre INFRAESTRUTURAS

A %d blogueros les gusta esto: