O Concello de Quiroga, dende a oficina de Xuventude e coa colaboración da Xunta de Galicia, organizou para este ano o programa “Turistea polo mundo da Enoloxía”. Trátase dun curso de cata de viños galegos que será impartido polo sumiller e docente de hostalería Luís José López Padín, incluindo unha serie de viaxes ás feiras do viño de Sober e Vilachá. Esta iniciativa, sen custe algún para os participantes, desenvolveuse no Museo Etnográfico os días 12 e 13 de abril, para rematar o 15 deste mesmo mes.
Pola súa parte, as viaxes terán lugar nas tardes dos domingos nos que se celebren as feiras de Sober e Vilachá, con saída ás tres da tarde e volta ás doce da noite. O punto de encontro estará situado diante do Concello.
