A III Degustación da Zoca do Espía e o Mercado do Pan deixou as peneiras baleiras de zocas, ao vender un total de 2.500 pezas deste produto típico da tapería monfortina, e un elemento moi singular da atractiva gastronomía local. O evento, organizado polo Centro Comercial Urbano de Monforte, encheu a rúa Cardenal de postos de pan e zocas do Espía ó longo do sábado 9 de abril, nunha xornada de bo tempo que acadou o apoio masivo do público. Ademais de vender o pan e as zocas, estas iniciativas teñen doble mérito xa que, segundo o presidente do CCU, Germán Vázquez, “eventos como este están a conseguir que o 70% do comercio abra os sábados pola tarde”.
Cargando ...
