O Deputado provincial socialista Claudio Garrido foi o encargado de recibir no Pazo de San Marcos, a un grupo de persoas participantes no programa Km 0 da Deputación de Lugo. Deste xeito, integrantes de tres colectivos de diversa índole e alumnos doutros tantos centros de ensinanza coñeceron e redescubriron os concellos de Sober, Cervantes, Alfoz, Ribeira de Piquín, O Courel e Burela a través de dito programa, co que se pretende difundir a riqueza paisaxística e monumental da provincia. Os primeiros foron 48 rapaces do CEIP Antonio Fernández López de Oural, en Sarria, e outros 48 socios da agrupación de veciños “Terras do Incio”.
