Comezan as obras das piscinas de Sarria

No concello de Sarria xa comezaron as obras das novas piscinas, unhas obras que están financiadas pola Deputación provincial; concretamente a piscina climatizada que o Concello construirá no barrio das Insuas. Segundo explicou o alcalde, Claudio Garrido, “estes días atópanse a facer o estudo da zona, pero ao adxudicar a obra e despois de cerrar esta etapa pronto comezarán coa infraestrutura”.

XIMNASIO, SALAS POLIVALENTES E SPA

Esta constará de dous vasos, un de 25 metros de longo por 12,5 de ancho e outro de iniciación duns 90 metros cadrados. Ademais, disporá de ximnasio, catro salas polivantes e espa. A actuación enmárcase dentro do Plan Extraordinario de Obra Pública, dotado con 60 millóns de euros procedentes de fondos propios da Deputación. Concretamente, inclúese dentro da partida de 9.650.000 euros destinada a convenios cos municipios para a execución de obras e mantemento de servizos municipais. “

DEMANDA VECIÑAL DE TODA A COMARCA

É unha actuación moi importante porque toda a comarca levaba demandando esta obra dende o ano 95, e ademáis a Xunta de Galicia nunca tivo a ben poder financiar esta obra nin colaborar con ela”, engadiu o alcalde. Claudio Garrido tamén sinalou que despois de que a Xunta de Galicia non contemplase a execución da obra decidiu reunirse co presidente da Deputación, Xosé Ramón Gómez Besteiro. “Mantivemos unha reunión e a partir dese momento a Deputación colabora na financiación da obra con 1.500.000 euros”. En canto ao prazo de execución, o alcalde explicou que a empresa comprometeuse, “unha vez iniciadas as obras, a rematalas nun prazo de seis meses; así que imaxino que a finais deste ano ou comezos do que ven, as piscinas estarán xa en funcionamento”.

Deixa unha resposta

Your email address will not be published.

Nova Anterior

Alumnos de Sarria participan no programa Km 0

Seguinte Nova

Un congreso en Sarria reflexiona sobre o Patrimonio Cultural Inmaterial

Últimas noticias sobre DEPORTES

     
A %d blogueros les gusta esto: