Estratexias conxuntas e axudas para o relanzamento do turismo rural

A recuperación de aldeas rurais é un fenómeno existente na Ribeira Sacra en aldeas como a Míllara.Arquivo EC

A Consellaría de Turismo vén de publicar unha liña de axudas para a mellora dos restaurantes de Galicia, a creación de aldeas de turismo rural e a mellora dos establecementos rurais e a súa oferta complementaria. Cada unha destas liñas conta dunha dotación dun millón de euros. As subvencións serán cofinanciadas polo Feder ao 70%.

Accións subvencionables en restaurantes e turismo rural

Entre as actuacións susceptibles de finanzamento está a de mellora das instalacións dos restaurantes; a realización de obras para accións de accesibilidade e supresión de barreiras físicas e sensoriais; obras para a mellora da sustentabilidade nos establecementos (aforro enerxético en auga, redución da contaminación acústica ou lumínica, entre outras); obras de renovación e mellora de cociñas, baños e comedores; mellora de garaxes e aparcadoiros e mellora de servizos ou ampliación de tecnoloxías e sistemas de organización na xestión. No caso da liña de axudas ao turismo rural, a orde contempla tres eixos específicos, que son as axudas a proxectos de creación de aldeas rurais; proxectos de mellora de aldeas rurais ou establecementos existentes de turismo rural e proxectos de creación ou mellora da oferta complementaria como turismo de natureza, turismo mariñeiro ou enoturismo, entre outros que teñen acadado un gran auxe nos últimos tempos. O prazo de presentación destas solicitudes remata o 30 de abril.

Turismo e Medio Rural

Nesta mesma estratexia turística, as consellarías de Turismo e Medio Rural asinaron nestes días un convenio destinado a fomentar unha serie de actuacións conxuntas en varias áreas, referidas á ampliación dos distintivos de calidade, a promoción do termalismo ou as estratexias de desestacionalización do turismo rural.

Deixa unha resposta

Your email address will not be published.

Nova Anterior

6 millóns para o arranque das obras do centro de recría Gayoso Castro

Seguinte Nova

O BNG de Chantada reclama o aluguer para vivendas

Últimas noticias sobre ECONOMÍA

 
A %d blogueros les gusta esto: