En Láncara está previsto que rematen este mes
O Presidente da Deputación, José Ramón Gómez Besteiro, desprazouse ata Láncara, onde comprobou in situ o estado das obras que o organismo provincial está a levar a cabo na estrada CP 2703 que vai de Pobra de San Xillao a Carracedo, na que o organismo provincial inviste 300.000 euros dentro do Plan Extraordinario de Obra Pública. Os traballos, que se están a executar no treito comprendido entre o punto quilométrico 0,400 ao 2,280 está previsto que rematen a finais do mes de abril. Aproveitando a viaxe, Besterio tamén se desprazou ata o concello de Samos, onde asinou co alcalde deste municipio, Julio Gallego, un convenio para a execución de novas obras en diferentes localidades. Así, tal e como se especificou no acordo, o organismo provincial financiará estas actuacións con 253.000 euros.
