A Escola Oficial de Idiomas abriu as súas portas aos veciños da comarca

Un momento dunha clase rápida de idioma durante as xornadas de portas abertas da Escola Oficial de Idiomas de Monforte. EC.

A Escola Oficial de Idiomas de Monforte celebrou nos pasados días a súa xa tradicinal xornada de portas abertas encamiñada a amosar ao conxunto da cidadanía as posiblidades que ofrece un centro destas características. Neste día, ademáis de amosarlle aos visitantes as instalacións e as posibilidades de estudo catro idiomas que oferta; o inglés, o francés, o alemán e o italiano, lévanse a cabo unha serie de actividades lúdicas e formativas dirixidas tanto aos alumnos como aos visitantes. Clases de alemán rápidas e sinxelas, visionado de filmes, xogos en idiomas son algúns dos exemplos das actividades que tiveron lugar neste día, pensadas para atraer ao potencial alumnado que aínda non está matriculado e explicando as vantaxes da aprendizaxe e da incoporación dun título oficial homologado en Europa. Entre as iniciativas, este ano destacou unha relacionada co idioma italiano, que se apoiou nunha conferencia sobre a tarantella e un posterior concerto a cargo do intérprete italiano Beppe Branca, que explicou os sons desta música ebaile rexional propio do sur de italia baixo o título La Notte della Taranta. As lendas arredor desta danza son múltiples, na Idade Media existía a crenza de que bailar baixo este son curaba unha especie de tolemia vinculada á picadura da tarátula, o nome provén, sen embargo da cidade italiana de Taranto.

Veterano nos idiomas

Manuel Otero, o alumno máis veterano da Escola de Idiomas de Monforte. EC.

Manuel Otero é o alumno maior da EOI de Monforte. Matriculouse no centro ao xubilarse na procura do entretemento. Aprendera algo de alemán alá polo ano 1948 durante os seus estudos de Comercio e volvera ter contacto con esta lingua nos 80. Agora cursa 4º na EOI de Monforte e porque quere recuperar o aprendido e “abrir as neuronas”. A súa recomendación é para a xente nova, para que se animen ao estudo dos idiomas, “aproveitando que agora en alemaña buscan xente cualificada”, pero tamén para os maiores que deberían alimentar a aprendizaxe aproveitando o tempo de máis que ás veces moitos lle adican aos “ecos de sociedade”, apunta con humor.

Deixa unha resposta

Your email address will not be published.

Nova Anterior

Os socialistas de Monforte centran a súa campaña na creación de emprego

Seguinte Nova

Grafiteros de élite redeseñan o espíritu da rúa

Últimas noticias sobre CULTURA

A %d blogueros les gusta esto: