BNG
- Severino Rodríguez, candidato do BNG á Alcaldía de Monforte de Lemos
1.- Califique a situación municipal actual. “Eu creo que Monforte, en liñas xerais, a inmensa maioría da xente está contenta de vivir aquí. É un concello que vai no bo camiño, que ten unhas perspectivas actuais e de futuro optimistas. Ademais creo que ese camiño pasa por que entre todos, políticos e cidadáns, habilitemos espazos e solo industrial moi apetecible para que as empresas se instalen en Monforte; tamén por seguir apostando e potenciando a Ribeira Sacra no ámbito que sexa, xa que iso traerá postos de traballo e riqueza; e tamén por consolidar a Monforte como a cidade do benestar. Monforte avanzou moito coa residencia e o centro de día, e creo que o gran reto conxunto é agora a construcción da residencia de maiores, xa que servirá para prestar un servizo de calidade e para crear emprego”. 2.- Indique tres obxectivos prioritarios se chegan á alcaldía. “A reforma e potenciación da praza de abastos co compromiso de crear aparcamento; a posta en marcha de iniciativas empresariais, con condicións favorables para que esas iniciativas saian adiante; e a construcción da nova ponte sobre Aceña, en Carude, e a reforma do actual ponte novo recuperando a súa estructura antiga e permitindo así ademais, un pequeno mirador a ambos lados do río”. 3.- Indique tres características da lista que encabeza. “En primeiro lugar, como único compromiso Monforte; en segundo lugar, experiencia, en terceiro lugar, sinxeleza, e por último engadir humildade”.
Lista: 1.-D. SEVERINO RODRÍGUEZ DÍAZ, 2.-D. MARÍA JOSÉ VEGA BUJÁN, 3.-D. MARÍA DEL PILAR LÓPEZ MARTÍNEZ, 4.-D. ANA MARÍA CASAL RIVAS, 5.-D. JOSÉ LUIS RODRÍGUEZ RIVERA, 6.-D. ANTONIO LUACES DÍAZ, 7.-D. JOSÉ MANUEL PAVÓN GONZÁLEZ, 8.-D. MARÍA ALICIA INMACULADA CADARSO PALAU, 9.-D. ESTRELLA DOLORES FORMOSO LAGO, 10.-D. MARINA VIDUEIRA FRANJO, 11.-D. XOSÉ LOIS LOSADA LAGO, 12.-D. ALBERTO VÁZQUEZ CABO, 13.-D. ROSA ANA SOMOZA VILA, 14.-D. JOSÉ ANTONIO DÍAZ EXPÓSITO, 15.-D. MARÍA FE MARTÍNEZ COUTADO, 16.-D. ALFONSO RODRÍGUEZ UDIAS, 17.-D. ISABEL SÁNCHEZ MONTENEGRO. SUPLENTES: 1.-D.Mª CARMEN FERNÁNDEZ CID, 2.-D. JOSÉ Mª DONADO ESTEBAN, 3.-D. JOSÉ ÁNGEL CASTRO VILLAR, 4.-D. MARTA CELEIRO GONZÁLEZ, 5.-D. SALVADOR PAGAZAURTUNDUA GÓMEZ.
PSdG-PSOE
- José Tomé, candidato do PSdG-PSOE á alcaldía de Monforte de Lemos
1.- Califique a situación municipal actual. “A situación municipal actual eu vexoa de estancamento porque Monforte non crece e o pobo non está medrando, mentres que outros pobos cercanos como Sarria ou Chantada sí que medran. E isto non é bo, ademais non hai emprego e a xente ten que marcharse a traballar fóra. Eu creo que a solución pasa por facer o contrario, impulsar iniciativas empresariais e taer empresas para o polígono como é o caso de Pacadar. E ese é o camiño, ou somos capaces de crear emprego aquí para a nosa xente, ou senon seguiremos baixando en poboación e polo tanto Monforte seguirá estancado”. 2.- Indique tres obxectivos prioritarios se chegan á alcaldía. “Un sería evidentemente a creación de empreto a través da implantación de empresas no polígono e no porto seco; en segundo lugar hai que elaborar dunha vez o Plan Xeral de Ordenación Municipal e de protección do casco histórico para que o sector da construcción poda volver a ter actividade e dar emprego, e en terceiro lugar o tema do hospital comarcal, que siga tendo a autonomía que tivo ata o de agora, que siga sendo unha área sanitaria e que non se rebaixen servizos”. 3.- Indique tres características da lista que encabeza. “Primeiro que a candidatura está formada polo mesmo número de homes que de mulleres, hai unha paridade na xente que vai na lista; son profesionais xa que todos teñen os seus postos de traballo, de mediana idade e sobradamente formados para poder levar a cabo actuacións de goberno en beneficio dos cidadáns; e en terceiro lugar, tamén se trata dunha candidatura renovada”.
Partido Popular
- Julia Rodríguez, candidata do PP á alcaldía de Monforte de Lemos.
1.- Califique a situación municipal actual. “Nun titular así moi rápido eu diría que a situación é ‘moi mellorable’. Creo que foron catro anos improductivos no senso de que perdemos empresas, non captamos empresas e polo tanto tampouco xeramos emprego. Na miña opinión foi improductivo a nivel de xestión, non se investiu en recursos para proxectar a cidade e creo que tamén se perderon moitas oportunidades”. 2.- Indique tres obxectivos prioritarios se chegan á alcaldía. “Manter e mellorar os servizos básicos que se están prestando aos veciños e que recibe toda a poboación, especialmente na área de Servizos Sociais. Sen embargo, creo que un dos obxectivos máis importante é o de xerar emprego e que os xóvenes vexan en Monforte un lugar para traballar e para vivir. Xa sei que isto non se fai nun día, pero o que hai que facer é comezar a invertir esta tendencia, apoiando aos emprendedores e tratando de axudar ás novas iniciativas. E outro dos obxectivos sería facilitar, ou máis ben, facer funcional a cidade; faltan zonas verdes, temos un problema importante de aparcamento debido á remodelación de beirarrúas, e está ben que se fagan este tipo de remodelacións, pero tratando de evitar a creación doutros problemas”. 3.-Indique tres características da lista que encabeza. “Somos xente xoven, traballadora, responsable, e sobre todo xente con moitas gañas de tirar e traballar pola súa cidade e con moita ilusión”.
Cargando ...
