A concellería de benestar social de Monforte de Lemos, dirixida por Ana Casal, informa que a Consellería de Traballo e Benestar organiza un ano máis a “XXXIII Xuntanza de Maiores”, que se celebrará no Carballiño o vindeiro día 11 de xuño. As persoas interesadas en participar poderán incribirse nas oficinas dos servizos sociais comunitarios, situadas no edificio da Praza de Abastos d Monforte, de luns a venres en horario de 9:00 a 14:00 horas.
A inscrición deberá realizarse antes do día 30 de maio.
A Xuntanza de Maiores comezará coa chegada dos participantes ás 10:30 horas ao recinto do Parque Municipal de O Carballiño, onde se celebrará ás 12:00 horas un concerto da Banda de Música. Trala chegada das autoridades, prevista para as 13:30 horas, comezará a entrega de agasallos aos centros participantes, para continuar cun xantar campestre e unha xornada de tarde adicada ao lecer. A xuntanza rematará ás 20:00 horas.
Cargando ...
