Premios ás mellores tapas de Monforte

As tapas gañadoras do III Cume Tapas Monforte foron as elaboradas en A Meiga,Casablanca e Esmorga

Redacción – Monforte

No centro da imaxe, as tres gañadoras do III Cume Tapas de Monforte. EC

O xurado profesional da terceira edición do Cume Tapas de Monforte deu a coñecer hai uns días os gañadores nas categorías de mellor tapa tradicional, mellor tapa creativa e mellor maridaxe con viño da Ribeira Sacra, nun acto celebrado no Centro do Viño e no que estiveron presentes, entre outros, o director técnico do xurado, Quique Rodríguez, e o presidente da Asociación Provincial de Empresarios de Hostalería de Lugo (APEHL), José Real. Deste xeito, o premio na categoría de mellor tapa tradicional foi para A Meiga, pola tapa “Meigallo” elaborada por Concha Álvarez; na categoría de mellor tapa creativa, a gañadora foi Bárbara Listán, de Casablanca con “El capricho de la abuela”; e xa na categoría de mellor maridaxe con viño da Ribeira Sacra, o premio foi para Esmorga, pola tapa “Yin e Yang” elaborada por Nerea Rodríguez. Pola súa parte, dende o xurado quixeron destacar “a sinxeleza, a calidade e a excelente elaboración das tapas”. O xurado estivo formado por especialistas e profesionais da cociña. Dende a organización destacaron a excelente acollida do concurso, xa que nesta terceira edición participaron 65 locais e vendéronse en total 30.463 tapas. De igual xeito, o presidente de APEHL, José Real, agradeceu tanto a resposta dos asociados como a dos clientes. Ao final do acto tamén se procedeu ao sorteo dunha viaxe a Tenerife entre os participantes, que lle correspondeu a Leticia Vila Álvarez.

Deixa unha resposta

Your email address will not be published.

Nova Anterior

Presentado o diario do militar monfortino Faustino Vázquez

Seguinte Nova

Novo libro e documental sobre Lois Pereiro

Últimas noticias sobre ASOCIACIONISMO

     
A %d blogueros les gusta esto: