O Concello de Quiroga ten abertas ao público as piscinas municipais dende o pasado día 23 de xuño. Este servizo funcionará no seu horario habitual de todos os veráns, de doce do mediodía a oito do serán ininterrompidamente. Pola súa parte, todos os que queiran utilizar este servizo deberán aboar a entrada correspondente, que se mantén como en anos anteriores: os maiores de 15 anos pagarán 1,50 euros, de 8 a 15 anos aboarán un euro, e os menores de 8 anos terán a entrada gratuíta. Pero tamén se poderán solicitar bonos para toda a tempada con prezos que van dende os 30 euros para os maiores de 15 anos e de 21 euros para os menores.
Festa de San Xoán
A apertura das piscinas municipais coincidiu coa celebración da noite de San Xoán. Deste xeito, tamén dende o Concello de Quiroga preparouse unha pequena celebración para a noite do xoves 23. Na mesma, como non podía ser menos, houbo sardiñada de balde para todos os asistentes a partir das oito e media da tarde, así como unha fogata. E para os máis cativos, dende as sete da tarde tiveron lugar divertidos xogos.
Cargando ...
