José Ramón Caamaño, cuarto posto en Portugal

Redacción-Chantada

O Club Ciclista Chantadino continúa colleitando éxitos. O último, despois de desprazarse a terras portuguesas para disputar a 3ª Volta ao Concello de V.N de Famlicao, nunha proba na que tomaron a saída 110 corredores sobre un percorrido de 80 km moi selectivo, tanto polo perfil como polas condicións metereolóxicas con máis de 35º de temperatura. Durante toda a carreira os compoñentes do clube estiveron moi activos, acadando José Ramón Caamaño o cuarto posto en master 30, e sendo o primeiro español en cruzar a liña de meta, amosando así o bo momento de forma no que se atopa.

Asimesmo, hai que destacar a actuación do corredor Luis Alberto Bernárdez (Luba), tras conseguir a victoria na XXIV Xira Concello de Viveiro hai unhas semanas. Unha proba que constou de 120 km, con 150 corredores en liña de saída e un final moi esixente no alto de San Roque. A maiores, o clube chantadino tamén participou no Gran Premio Concello de Bueu.