A delegada territorial da Xunta, Raquel Arias, ven de reunirse co alcalde de Sober, Luis Guitián, para tratar distintos aspectos que afectan ao municipio. Tras esta reunión, Arias comprometeuse a xestionar a desafectación de parte dos terreos do colexio público Virxe do Carme de Sober para permitir a construción de vivendas de promoción pública no solar. Na mesma liña, a delegada territorial e o alcalde acordaron avanzar na cesión ao concello por parte do Instituto Galego da Vivenda e Solo dos locais que lle corresponden dentro da promoción de vivendas sociais construídas na intersección da rúa Cine coa rúa Cuartel. Arias e Fernández Guitián barallaron tamén algunhas propostas encamiñadas á mellora da xestión de residuos na localidade, entre as que figura a compostaxe. Na xuntanza, entre outros aspectos, a delegada informou ao rexedor municipal sobre as actuacións que está a levar a cabo a Xunta para mellorar as condicións de explotación dos viñedos no concello.
Últimas noticias sobre INICIATIVAS
A ONG SOGAPS (Solidariedade Galega co Pobo Saharaui) continúa coa súa labor de difusión do programa
O Mesón Ferreiriño alzouse co título de tapa gañadora no concurso Val de Quiroga de Tapas
O Xeoparque Montañas do Courel lanzou un concurso para seleccionar o seu novo logo, adaptado ás
O Obradoiro Dual de Empleo Serra do Faro VIII está a facer unha importante contribución á
O Concello de Sober converteuse esta semana no epicentro do lanzamento do «O Encontro de Sober»,