A estudante do IES Río Cabe de Monforte, Lorena Noguerol Lois, de 17 anos de idade, ven de facerse co primeiro posto do que foi a terceira edición da Olimpiada Galega de Economía; unha cita que reúne a estudantes de 2º de Bacharelato de Galicia para medirse entre eles, e que este ano se celebrou na Facultade de Economía e Empresas da Universidade de A Coruña.
Próximo reto en Castellón
Agora, os días 30 de xuño, 1 e 2 de xullo, Lorena competirá en Castellón co resto de gañadores de España. Pero de momento xa conseguiu librarse de pagar a matrícula do primeiro ano de Economía ou Administración e Dirección de Empresas, o que ela prefira. Cabe destacar que esta alumna é un claro exemplo a seguir, ao igual que a súa compañeira de instituto, Olalla Díaz Parada, quen tamén se presentou á mesma proba.
Cargando ...
