O galego dinamiza o verán máis novo

A Secretaría Xeral de Política Lingüística pon en marcha “O galego campa!”, un programa de dinamización nos campamentos de verán

Redacción-Monforte

A Secretaría Xeral de Política Lingüística e a Dirección Xeral de Xuventude e Voluntariado veñen de poñer en marcha o programa de dinamización lingüística “O galego campa!”, destinado aos campamentos de verán. Este programa pretende favorecer o desenvolvemento da actividade en galego no contexto dos campamentos de verán da Xunta de Galicia, así como facilitarlles recursos aos monitores e monitoras para a realización de actividades que animen aos participantes a se expresaren nesta lingua.

A MÚSICA EN GALEGO COMO FÍO CONDUCTOR DAS ACTIVIDADES

Para esta primeira edición do programa “O galego campa!”, a Secretaría Xeral de Política Lingüística produciu un disco orixinal, titulado “Desparafusador de gominola” con temas funky, rock, e rap, entre outros, e interpretados por profesionais da música galega de primeira liña. O disco actúa como conductor de toda unha serie de actividades lúdicas, realizadas por Tagen Ata, que favorecen tanto a diversión como a reflexión e a aprendizaxe propias deste tipo de actividades, ao tempo que favorecen unha relación de respecto e valoración positiva do contorno e das características culturais e sociais de Galicia. As actividades incluidas este ano no programa “O galego campa!” van dirixidas a un público de entre 9 e 12 anos.

Posto que os monitores e monitores son os axentes formadores neste contexto, a Secretaría Xeral de Política Lingüística ven de realizar de forma previa a este programa unha sesión formativa para que a dirección dos campamentos e os monitores e monitoras coñezan os recursos e a metodoloxía propostos neste programa e, afacilitarlles tamén a realización da súa tarefa.

Deixa unha resposta

Your email address will not be published.

Nova Anterior

Investimentos da Xunta na zona sur de Lugo

Seguinte Nova

Cultura enche os concellos de música no verán

Últimas noticias sobre CULTURA

     
A %d blogueros les gusta esto: