Redacción- Chantada
A oficina de Xóvenes Agricultores de Chantada acolleu unha xornada técnica de “Prevención de riscos laborais no sector produtivo forestal galego”, á que asistiron máis de 50 persoas. Trátase dunha xornada patrocinada pola Consellería do Medio Rural, que tivo como obxectivo transmitir a importancia da prevención dende dúas perspectivas: laboral e contra os incendios. Expertos na materia aportaron así as súas reflexións e experiencias sobre puntos como a prevención de riscos laborais nos traballos forestais en comunidades de montes veciñais en Man Común; sobre o sector produtivo madeireiro en Galicia, a biomasa e a prevención de riscos nos aproveitamentos; así como o papel das asociacións na prevención de riscos e na extinción de incendios, entre outros temas. Finalmente, a xornada rematou cun amplo coloquio en torno aos puntos máis destacados.
Cargando ...
