Redacción- Monforte
O pasado xoves 7 de xullo a asociación TDAH de Monforte organizou unha xuntanza na Casa da Cultura para informar aos distintos interesados sobre este trastorno por déficit de atención e hiperactividade. Na reunión, á que asistiu numeroso público, expuxéronse diferentes métodos de mellora de comprensión de ordes escritas, así como as últimas novidades lexislativas. Pero tamén houbo tempo para coñecer as convocatorias de becas e algunhas actividades de formación para familias e educadores.
