Monforte celebrará unha nova edición da Festa do Río o vindeiro 30 de xullo

Redacción- Monforte

O Concello de Monforte celebrará o vindeiro 30 de xullo unha edición máis da Festa do Río. Tal e como explicou a concelleira de Cultura, Pilar López, o obxectivo despois de sete edicións é o de seguir potenciando o río como espazo de lecer e recuperar o protagonismo que o Cabe tivo durante tanto tempo.

Presentación da Festa do Río no Concello de Monforte. EC

Este ano conta coa colaboración da asociación Casa do Barqueiro, da Asociación de Hostalería provincial de Lugo, e tamén da concellería de Deportes, así como da Deputación de Lugo e a Xunta de Galicia. Entre as novidades, unha maior implicación de todos os colectivos da cidade, a participación de preto de 15 embarcacións, así como de tres casetas no Parque dos Condes e outras dúas no Malecón. Ademáis, o día da festa os paseos en barca serán gratuítos e haberá distintos artesáns ao longo de todo o paseo. En canto ao programa, a festa será inaugurada ás doce do mediodía co VI Encontro de embarcacións tradicionais. Na área deportiva terá lugar unha competición de descenso do Cabe a nado organizada polo Clube Natación Monforte, así como exposicións e demostracións relacionadas con deportes acuáticos. Xa para os máis pequenos, voltarán os xogos de río e os xogos populares, así como as sesións de contacontos a cargo de Anxo Moure. Á unha do mediodía abrirán as casetas de hostalería para o xantar, e ás once da noite pecharase a festa cun espectáculo á beira do río.

Deixa unha resposta

Your email address will not be published.

Nova Anterior

Regulamento da publicidade no concello

Seguinte Nova

O GDR Miño Ulla un ano despois: O grupo de xestión dos fondos Leader en Chantada ten 27 proxectos sobre a mesa

Últimas noticias sobre ASOCIACIONISMO

     
A %d blogueros les gusta esto: