A Deputación de Lugo aproba as tres últimas obras do POS de 2010

Redacción-Monforte

A Deputación de Lugo ven de aprobar nunha das últimas Xuntas de Goberno a contración das tres últimas obras do Plan de Obras e Servizos de 2010 para mellorar a rede viaria provincial, e que beneficiarán, entre outros, aos veciños de Sarria. As obras suman 1,2 millóns de euros, que son cofinanciados ao 50% pola Deputación e o Ministerio de Administracións Públicas.

A este respecto, o voceiro provincial socialista, Manuel Martínez, subliñou que se pode comprobar o bo nivel de xestión deste equipo de goberno, xa que en tan só unha semana, a Deputación foi quen de contratar as catro obras que suman cantidades millonarias -1.650.000 euros- e que estarán rematadas a finais de ano. Concretamente, as obras aprobadas foron: en Navia de Suarna a estrada que vai de Rao por Murias a Valouta con 540.000 euros; en Viveiro e Ourol, a CP que enlaza a localidade de Ruanova con Muras, con 273.805 euros; e en Sarria, a vía que vai de Mesón de Alvaredos a San Martín de Loureiro, con 299.000 euros. Neste senso, coa súa execución, o organismo provincial cumpre tres obxectivos fundamentais que son os de dar resposta ás necesidades dos veciños, xa que todas as obras son demandadas por eles; aumentar a obra pública na provincia; e crear emprego. Estas actuacións levan aparelladas a contratación de persoal para poder executalas. Ademais, con estas catro obras manteranse uns 40 postos de traballo.

É de destacar que co POS tamén se dota aos Concellos de servizos básicos como a mellora de accesos a núcleos rurais, abastecementos de auga, rede de sumidoiros, alumeado público, etc. Para estas actuacións o Plan contempla unha partida de 3,8 millóns de euros dos 5,5 millóns que ten de orzamento total.

Deixa unha resposta

Your email address will not be published.

Nova Anterior

Festival do Castro en Pantón e actividades de verán

Seguinte Nova

O románico de Pantón, o máis atractivo para os visitantes

Últimas noticias sobre INFRAESTRUCTURAS

     
A %d blogueros les gusta esto: