Redacción-Monforte
O alcalde de Quiroga, Julio Álvarez Núñez, na súa visita a Caracas (Venezuela), estivo presente no partido celebrado con motivo da conmemoración da copa Don Julio Álvarez Núñez, que se xoga en Venezuela; país no que xoga o clube Deportivo Quiroga Fútbol Club de Venezuela. Foi un partido amistoso entre os integrantes do Deportivo Quiroga F.C. Quiroga A e Quiroga B, cun resultado a favor do Quiroga A por 3 goles a 1. Unha vez rematado o encontro, o alcalde fixo entrega do trofeo ao equipo gañador.
De igual xeito, entregouse unha placa como recoñecemento a Julio Álvarez, en agradecemento pola colaboración prestada tanto persoal como institucionalmente. O encontro levouse a cabo nas instalacións do campo Fray Luis, en Las Mercedes, Caracas.
Cultura para o mes de agosto
Na sala de exposicións da Casa da Cultura do Concello de Quiroga pode visitarse ata o 15 de agosto, a primeira exposición colectiva de pintura de alumnos da Asociación socio-cultural da Comarca de Quiroga. Poden contemplarse obras dos pintores: Sara Iglesias, Charo González, Remedios Estévez, Émily González, María del Carmen Macía, Delia López, Lucía Álvarez e Sara Casanova. Asimesmo, dende o Concello informaron que debido á maior afluencia de visitantes ampliáronse os horarios de atención ao público para a o Museo Etnográfico Municipal e para a Oficina de Turismo.
