Redacción-Monforte
A Sociedade Cultural Deportiva Club Fluvial Monforte de Lemos, a través da súa presidenta, María Luisa Vázquez, e a Vicepresidencia Primeira da Deputación de Lugo, a través do delegado de Cultura e Turismo, Mario Outeiro, firmaron o pasado 2 de setembro un convenio de colaboración para a rehabilitación da zona destinada a actividades culturais no complexo deportivo monfortino por un importe de 10.000 euros.
Continúa a colaboración da Deputación coas entidades culturais e deportivas da provincia de Lugo
O Clube Fluvial de Monforte de Lemos naceu no ano 1965 co obxectivo de fomentar todo tipo de actividades e prácticas deportivas, culturais e recreativas, na vila do Cabe. Segundo informaron os responsables do organismo provincial, con esta achega a Vicepresidencia Primeira colabora cun proxecto cuxo orzamento total é de 25.580 euros, continuando na liña marcada neste departamento de dar apoio a todas as asociacións ou entidades que teñan como actividade principal a promoción e fomento da cultura e o deporte
