Redacción- Monforte
O Concello de Monforte xa ten aberto o prazo de inscrición para as Escolas Deportivas Municipais curso 2011-2012. A oferta deportiva abarca tres áreas; a primeira delas, Escolas deportivas para rapaces con fútbol, ximnasia rítmica, porteiros de fútbol, golf, padel, bádminton e kung fu. Cómpre destacar que as actividades de Golf, Pádel e Porteiros de Fútbol concretarán o seu horario unha vez establecidos os grupos por idades e niveis.
Pola súa parte, as Escolas deportivas para adultos acollen ximnasia de mantemento en dous horarios diferentes; tai chi e ioga. Finalmente, nas Escolas para a terceira idade realizarase unha actividade de ximnasia para este colectivo, que terá lugar os martes e xoves de 11:00 a 12:00 h. no Ximnasio Neka.
As escolas deportivas comezarán a principios do mes de outubro e rematarán no mes de maio de 2012. En canto ao custe das actividades, o prezo de cada escola por alumno e curso é de 90 euros. Ademais, terán unha bonificación do 50% as familias numerosas. A matrícula xa pode realizarse na Oficina Municipal de Deportes do Concello.
Asimesmo, dende o Concello lembraron que durante todo o curso escolar, os interesados tamén se poden inscribir nas Escolas municipais de Música e Danza, facendo a matrícula na Casa da Cultura.
Cargando ...
