Monforte acolle a IX Bienal de Pintura do Eixo Atlántico

Redacción -Monforte

Ata o vindeiro día 28 de setembro, de luns a venres e en horario de cinco da tarde a nove da noite, poderá visitarse na Casa da Cultura de Monforte de Lemos a exposición IX Bienal de Pintura do Eixo Atlántico. Trátase dunha exposición que xa foi inaugurada en Carballo o pasado mes de febreiro e percorreu Carballo, Vilagarcía, Barcelos, Chaves, Verín, Ourense e Lalín antes de chegar a Monforte. A mostra seguirá posteriormente e ata finais do próximo 2012 percorrendo a maioría das cidades que integran a entidade transfroiteiriza.

A exposición itinerante estará en Monforte ata o día 28 de setembro. EC.

Composición

A exposición está formada por 30 obras, sobre máis de 200 presentadas por artistas de Galicia e do norte de Portugal. A pontevedresa Monserrat Frieiro Dantas foi o primeiro premio da IX Bienal de Pintura do Eixo Atlántico pola obra «Camino». O segundo premio á mellor obra portuguesa foi para Miguel Vasconcellos pola obra «20 cabeças» e o segundo premio á mellor obra galega foi para Joseba Muruzábal Pérez pola obra «Chevy. Momento de reflexión». Pola súa parte, Raquel Iglesias Gándara foi a gañadora do premio aos novos talentos luso-galaicos. A Bienal de Pintura do Eixo Atlántico promove así aos artistas da eurorrexión, á vez que se consolida como unha das tres mellores exposicións itinerantes de pintura da Península Ibérica. É de destacar que esta exposición cumpre nove edicións, cunha cadencia de entre un e dous anos de exposición itinerante, ou sexa, un periplo de 15 anos de historia do Eixo Atlántico, sendo unha das primeiras iniciativas da entidade transfronteiriza. É ademais a única exposición en Europa de carácter itinerante que se desenvolve en dous países.

A súa finalidade

O obxectivo da Bienal de Pintura é o impulso á creatividade dos artistas e á creación do valor engadido no patrimonio artístico da eurorrexión, así como reforzar a cultura como eixo da cooperación transfronteiriza. O premio Eixo Atlántico á mellor obra ten un valor de 3.000 euros e dous segundos premios de 1.500 euros cada un, á mellor obra de autor portugués e á mellor obra de autor galego, respectivamente

Deixa unha resposta

Your email address will not be published.

Nova Anterior

Aberto o prazo de inscrición nas Escolas Deportivas Municipais de Monforte

Seguinte Nova

En marcha a A.D. Río Mao de fútbol sala en Bóveda

Últimas noticias sobre ASOCIACIONISMO

     
A %d blogueros les gusta esto: