Severino Rodríguez defende a legalidade na adxudicación de obras a empresas locais

O alcalde deu a coñecer os datos de contratación dende o 2008, segundo os cales, de 50 obras, 31 foron para empresas locais

Redacción-Monforte

Despois de reunirse cos empresarios da zona e como reposta ás críticas recibidas por parte do Partido Socialista, en relación ás poucas obras municipais adxudicadas a empresas locais, o alcalde de Monforte, Severino Rodríguez deu a coñecer os datos de contratación de obras dende o ano 2008. En total, os contratos realizados polo Concello de Monforte foron 50, dos cales 31 foron para empresas locais.

Severino Rodríguez afirmou que dende que é alcalde a súa máxima prioridade é Monforte, “colaborar estreitamente co sector empresarial, ordenando a colaboración tamén dende todas as concellerías, e sempre adxudicando obras seguindo a legalidade. E se non se adxudicaron máis contratos a empresas locais foi porque para optar a proxectos por importe superior a 236.000 euros, que son os que por lei deben saír a concurso público, requírese unha calificación que en Monforte teñen dúas ou tres empresas como moito”.

Severino Rodríguez na rolda de prensa. EC

Neste senso, e segundo os datos feitos públicos, dos 50 contratos de obra adxudicados, 41 foron negociados sen publicidade (31 para Monforte), e nove foron por concurso (2 para Monforte). Con este reparto, no primeiro dos casos quedaron en Monforte un total de 3.653.103 euros dos case cinco millóns de orzamento, e no segundo caso, as empresas locais recibiron preto de un millón de euros dos 5.632.053 euros; menos cantidade debido a que poucas empresas cumpren os requisitos para optar a estas obras.

“O que poñen de manifesto estas cifras é que tres de cada catro contratos negociados son para empresas locais, e que o Concello veu adxudicando cada mes unha gran obra deste tipo. E creo que con isto queda demostrado que facemos as cousas legalmente”, engadiu o alcalde. É de destacar, que días despois de dar a coñecer os datos de contratación de obras, o alcalde convocou aos membros do Consello Económico e Social a unha sesión ordinaria, para informarlles sobre os contactos con grupos políticos e empresariais referentes aos proxectos de infraestruturas para Monforte, e analizar a situación actual dos proxectos e infraestruturas fundamentais para o desenvolvemento do concello.

Deixa unha resposta

Your email address will not be published.

Nova Anterior

San Clodio equípase para as emerxencias

Seguinte Nova

Defensa da área sanitaria monfortina

Últimas noticias sobre ECONOMÍA

     
A %d blogueros les gusta esto: