Ludoteca e piscina ou creación de videoxogos e webs entre outras iniciativas

A aula CeMIT do concello de Quiroga xunto coas de Chantada e Monforte de Lemos e Sarria serán a sede dunha nova quenda de cursos gratuítos relacionados co sector multimedia e audiovisual. A través deste tipo de cursos, que combinan a modalidade presencial e on-line, os interesados poderán formarse en todo o relacionado coa creación de videoxogos, o desenvolvemento de webs para móbiles ou o streaming de audio e vídeo. Os interesados poden reservar a súa praza a través da web, www.cemit.xunta.es, ou do número de teléfono, 902 222 321. A Xunta de Galicia puxo en marcha o Programa de Formación 2011 da Rede de Centros para a Modernizacón e Inclusión Tecnolóxica (Rede CeMIT).

Ludoteca e Piscina

Dende a Área de Educación do Concello de Quiroga, ofértase de novo o servizo de Ludoteca municipal, de setembro a xuño, e o curso de natación para o trimestre de outubro a decembro. A Ludoteca terá lugar os martes e os xoves de cada semana. As clases impartiranse na aula da ludoteca, baixo da Casa de Cultura, con distintos horarios para os rapaces de 3 a 12 en distintos segundo as franxas de idade.

Por outra parte, o curso de natación que se desenvolve coma os últimos anos na casa piscina cuberta de Monforte poden participar os nenos e nenas en idade escolar. O custo tanto da ludoteca como da piscina é de 10 euros por mes para os rapaces empadroados no municipio. Para inscribirse nestas duas actividades subvencionadas pola Deputación o o Concello, as persoas interesadas deben dirixirse á Casa de Cultura.