Arranca a campaña da vacina antigripal con 141 puntos de atención en Lugo

A delegada territorial da Xunta, Raquel Arias, presentou os pormenores do desenvolvemento da campaña anual de vacinación fronte a gripe e o pneumococo na provincia de Lugo, onde se disporán 141 puntos de vacinación: 83 en centros de saúde e 58 noutro tipo de institucións. Ademais de centros hospitalarios e consultas médicas, a campaña lévase a cabo en residencias e centros para a terceira idade de titularidade pública ou privada; unidades asistenciais de drogodependencias; centros penitenciarios, e centros de atención a discapacitados.

As principais novidades introducidas este ano refírense basicamente a “melloras loxísticas para os profesionais”. Igualmente, consolídanse as melloras introducidas o pasado ano. Por un lado, a ampliación do tramo de idade da poboación diana a todas as persoas de 60 anos ou máis –a idade mínima ata entón estaba fixada en 65 anos-; e por outro, na poboación de 75 ou máis anos e nos ingresados en residencias aplicarase unha vacina adxuvada, que ten maior poder inmunóxeno. O pasado ano na provincia administrouse a vacina antigripal a 75.308 persoas e a vacina antipneumocócica a 3.004 usuarios.

Deixa unha resposta

Your email address will not be published.

Nova Anterior

650 telespectadores máis de Samos e Sarria acceden a toda a oferta da TDT

Seguinte Nova

Vendima e regularización dos Viñedos na Ribeira Sacra

Últimas noticias sobre PORTADA

A %d blogueros les gusta esto: