Os socios do Banco de Tempo de Monforte veñen de celebrar unha xuntanza co obxecto de definir as actividades a realizar no mes de outubro. Deste xeito, a maiores do seu labor cotiá, decidiron realizar actividades relacionadas coa informática e cos museos da cidade. En concreto, unhas xornadas de informática de dous días de duración, para aplicar na práctica os coñecementos sobre páxinas web e redes sociais adquiridos recentemente na charla sobre “Novas Tecnoloxías da Rede”, que se impartiu na Casa da Cultura. E por outra parte, unha ruta museística que formará parte dunha serie de rutas que os integrantes do Banco de Tempo realizarán polos museos e lugares de interese da cidade. Esta primeira ruta consistirá na visita ao Museo do Ferrocarril de Galicia e ao Centro do Viño da Ribeira Sacra. A data escollida para a visita é o xoves 20 de outubro. As persoas interesadas nestas dúas actividades terán que anotarse no Banco de Tempo, sendo a data límite para facelo o luns 17 de outubro.
Últimas noticias sobre ASOCIACIONISMO
Representantes da Asociación de Veciños de Parteme, aldea da parroquia de Nocedo, mantiveron un encontro coa
Gonzalo L. Torres. Moito falamos do Feismo urbanístico en Galicia, e seguro que moitos de nós
O pasado 19 de xullo, os representantes da Asociación Veciñal do Saviñao entregaron no Concello un
• Fixeron traballos de limpeza do acceso do camiño que leva á fonte publica, ante o
• Redacción- MONFORTE. a Asociación Monfortina de Amigos do Ferrocarril (AMAFER), no 25 aniversario da súa