Do 17 ao 25 de outubro terá lugar a IX Mostra de Cine de Monforte, organizada polo cineclube a Calexa

Monforte acollerá do 17 ao 25 de outubro a XI Mostra do cine de Monforte de Lemos; unha mostra organizada polo Cine Clube A Calexa en colaboración co Concello, entre outras entidades. As proxeccións terán lugar nos multicines Hollywood ás dez e media da noite, e a entrada será totalmente gratuíta. O luns 17 proxectarase ‘Una mujer, una pistola y una tienda de fideos chinos’ de Zhang Yimou; o martes 18 ‘Los chicos están bien’ de Lisa Cholodenko; o mércores 19 ‘Código Fuente’ de Duncan Jones; e o luns 24 de outubro ‘El último exorcismo’, de Daniel Stamm.

Para rematar coa Mostra, o martes 25 celebrarase, tamén nos multicines ás dez e media da noite, unha festa do audiovisual con produtoras de Monforte e a proxección de varias curtametraxes. En dita reunión estará representado Manuel Valcárcel coa súa curtametraxe ‘Fame’; Némesis Creaciones con dúas curtas: ‘Tres Cartas’ e ‘La balada del espejo’; ‘El peso del Humo’ do monfortino Héctor Diéguez; e por último un trailer de “Un Covarde”, do tamén monfortino Ivan Patiño, e a curtametraxe ‘Esliva’ de Lois Patiño.

Alfredo Vázquez, á esquerda, e Antonio Vidal, do cineclube A Calexa, acompañados de Pilar López, concelleira de Cultura. EC

Na presentación da mostra, dende a organización quixeron destacar o feito de reunir varios xéneros en catro días, como son a comedia, o terror, un thriller chino e a ciencia ficción; e o obxectivo de achegar a xente ás salas de cine. Pola súa parte, a concelleira de Cultura, Pilar López, salientou o importante esforzo económico do Concello e o esforzo organizativo da asociación para seguir levando adiante a Mostra do cine e o fomento deste tipo de actividades.

Deixa unha resposta

Your email address will not be published.

Nova Anterior

Os técnicos xa avaliaron as necesidades do parque de bombeiros cara á súa integración provincial

Seguinte Nova

Pulo ao turismo termal

Últimas noticias sobre ASOCIACIONISMO

A %d blogueros les gusta esto: